యానిమల్ తో ఒక్కసారిగా ఇండియన్ సినీ ప్రేమికుల మనసుల్లో గిలిగింతలు రేపిన భామ త్రిప్తి డిమ్రీ. ఆమె కోసమే  చాలా మంది యానిమల్ ని రిపీటెడ్ గా చూశారంటే అతిశయోక్తి కాదు. తాజాగా ఆమె మరో సినిమాకి గ్రీన్ సిగ్నల్ ఇచ్చింది.ఇప్పడు ఈ సినిమా టాక్ ఆఫ్ ది బాలీవుడ్ అయ్యి కూర్చుంది.

హర్రర్  కామెడీ తో  తెరకెక్కిన  భూల్ భూలయ్యా పార్ట్ 1 ,2  లు చాలా పెద్ద విజయాన్నే సాధించాయి. అలాగే హిందీ చిత్ర సీమలో సరికొత్త ట్రెండ్ ని కూడా క్రియేట్ చేసాయి. ఇప్పుడు వాటిని కంటిన్యూ చేస్తు  భూల్ భూలయ్యా  3 వస్తుంది. ఇందులోనే  త్రిప్తి నటించనుంది. ఈ మేరకు మేకర్స్ ఒక పోస్టర్ రిలీజ్ చేసి అధికారికంగా ప్రకటించారు. తన క్యారక్టర్ ద్వారా త్రిప్తి ప్రేక్షకులకి  థ్రిల్ అండ్ చిల్ ని అందించబోతుందని కూడా మేకర్స్ చెప్పడం పలువురిని ఆకర్షిస్తుంది. పార్ట్ 2 లో కియారా అద్వానీ చేసిన రోల్ లోనే  ఇప్పుడు త్రిప్తి నటించబోతుంది. దీంతో  బాలీవుడ్ మొత్తం ఈ విషయం  బ్రేకింగ్ న్యూస్ గా కూడా  మారింది. మరి త్రిప్తి  కియారాని మరిపిస్తుందో లేదో చూడాలి. కియారా ప్రస్తుతం రామ్ చరణ్ హీరోగా వస్తున్న  గేమ్ చేంజర్ లో నటిస్తుంది .

2007 లో ప్రారంభం అయిన భూల్ భూలయ్యా సిరీస్  హిందీ ప్రేక్షకులని బాగా ఆకట్టుకుంది. పార్ట్ 1 లో  అక్షయ్ కుమార్, విద్యాబాలన్, అమీషా పటేల్ లు నటించగా  పార్ట్ 2 లో  కార్తీక్ ఆర్యన్, టబు, కియారా అద్వానీ లు నటించారు.మొదటి రెండు భాగాలు ఒక దాన్ని మించి ఒకటి విజయం సాధించడంతో  పార్ట్ 3  పై  అందరిలోను అంచనాలు భారీ  ఎత్తున వున్నాయి. రెండవ భాగానికి దర్శకత్వం వహించిన అనీస్ బాజ్మీనే పార్ట్ 3  కి కూడా  దర్శకత్వం వహిస్తున్నాడు. 2024 దీపావళి కి  మూవీ థియేటర్లలో మెరవనుంది.